Shillong, Naitung 13 : Ka sorkar jylla ka la mang haduh 120 klur tyngka na ka bynta ban shna thymmai ia ki ophis ha ki Block bad ruh ban maramot noh ia ki 1800 tylli ki skul lower primary kiba la kham sniew.
In Education, we have been persistently implementing the mission for upgradation of Govt. LP, UP & Hr. Sec. Schools in a phase-wise manner. Happy to see the progress made so far & encourage the team to push harder to reach our target. pic.twitter.com/T1rCaDzHPu
— Conrad Sangma (@SangmaConrad) July 13, 2022
Ia kane la pyntip da u Myntri Rangbah ka jylla, Conrad K Sangma ha ka jingialang ba la pynlong da ka ophis jong u Deputy Commissioners bad Sub Divisional Officers ha State Convention Centre, ha kane ka sngi Balang.
U Conrad u la iathuh ruh ba ka jingkhot tender na ka bynta ka jingtei ia ki ophis treikam ha ki block ka la iaid shakhmat.
“Baroh haduh kumba 120 klur tam la mang na bynta katei bad ka jingtrei na ka bynta ki ophis block kin sa sdang noh ha u Nailar ne Nailur mynta u snem ha baroh ki Block jong ka jylla,” u la pynbna. Nalorkata, uong ruh ba ka sorkar jylla ka la sdang ruh ia ka jingpyntrei ia ka kylla na ka bynta ban tei ia kitei ki jingtei thymmai.
Katkum ka jingong jong u, kawei kawei ka skul kin ioh kumba 3-4 lak tyngka na ka bynta ban maramot ia ki jaka pule.
Haba iadei bad ki jaka ai jingsumar, u Myntri Rangbah u la ong ruh ba kum katei kajuh ka sienjam kin shim na ka bynta ban shna thymmai bad shna pynbha ia ki PHC, CHC bad Sub Centre.
Ha kane ka jingialang jong ki Deputy Commissioner la iakrenruh na ka bynta ka jingiakhun ia ka jingwan syllad ki bor ka mariang khamtam hadien ka jingjia shlei um kaba jur bha ha ka jylla.
Haba iatai pat halor ki jingjulor na ka bynta ka rep ka riang, u Myntri Rangbah u la ong ba ka long kaba donkam ban pynkhreh na ka bynta kum kitei ki jingjia shah lyngshop mariang bad ruh kumno ban pynduna ia ki jingshah pynjulor haba don kum kitei ki jingjia.
