Shillong, Naitung 03 : Ka Sorkar Jylla kala mang ban pynlut haduh T. 100 klur ha kaban pyntreikam ia ka Chief Minister’s Solar Mission hapoh ka Jylla.
Haba pyntip ia kane hynne ka sngi Nyngkong, u Myntri Rangbah ka Jylla Conrad K Sangma ula ong “Ngi la dep pynkhreh ia ki kot ki sla baroh bad ngi kyrmen ba hapoh une u bnai ba mynta ngin sa lah ban pynbna ia ka mission. Ka Sorkar kan pynlut jan kumba T.100 klur ha kane ka project”.
“Kan don ka bynta jong ka subsidy na ka Sorkar, ka ram bad ki nongioh skhim ruh hynrei ngin pyrshang katba lah ban pynbun ia ka subsidy ban ai na ka Sorkar bad ki kor kin dei hi da ki solar panel, ki battery bad ki inverter” ula ong.
Haba pynpaw ba kane ka kor pynmih bording ka dei kaba biang bha, u Conrad ula ong “Ha ki khep ba ym don bording, ki battery kin ai bording ia kaban hap tan naka sngi hynrei wat haba slap ruh bad bym lah long ban tan bor ka sngi, lyngba ki circuit ruh yn lah ban tan bor ia ki battery”.
Pule ruh: SSA Women’s Leaque : Rah ka Laitkor bad ka PFR Academy ia ka jingjop ha ka Group A
