Shillong, Nailar 27 : Ka Sorkar Jylla kala mang ia ka song pisa ba kot T. 538.44 klur na ka State Plan ban pyntreikam ia ka New Shillong Water Supply Scheme Phase-I.
Kane ka project kala ioh ia ka jingmynjur naka Sorkar ha ka 15 tarik Lber mynta u snem.
Ia ka EPC contract la ai sha ka M/s BAC Infratech Private Limited ha u Jylliew, 2024 bad ka project ka dang don ha ka jingsdang ban pyntreikam.
Hynrei, ka Sorkar kan dang ban mang pisa ia ka New Shillong Water Supply Scheme Phase-II, kaba la tyrwa ban pynlong haduh T. 1,111,56 klur.
Ia kane la pyntip da u Myntri ka Tnad Public Health Engineering (PHE) Marcuise N Marak haba jubab ia ka call attention motion bala wanrah da u MLA ka VPP na Mawryngkneng Bah Heaving Stone Karpran hapoh ka Iingdorbar Thaw Ain hynne ka sngi ba-ar.
Ula ong ba ka phase-I jong ka project ka kynthup ia ka jingpyntrei ia ki jingtei bapher bapher kum ka dam, 2 tylli ki jack well bad ka pump house halor ka pung bad kiwei kiwei ki tiar ba donkam, ka jingpyntrei ia ka stage-I bad II pumping station, power station, pumping main, ka jingpyntrei ia ka water treatment plant, ka clear water sump bad kiwei kiwei.
Halor ka jingdawa ban ai pyntrei ia ka kam sha ki contractor na Jylla, u Myntro ula ong ba khnang ban lah pynbiang ia ki jingtreikam kat kum ki kor ki bor ka juk bad ban peitngor ia ka project baroh kawei, baroh ki jingdonkam hapoh ka phase-I jong ka project yn pyndit da ka SCADA (Supervisory Control and Data Acquisition)/IoT (Internet of Things) system.
Nalor kane,u Myntri u pyntip ba ka phase-II jong ka project kan dang ban ioh ia ka mang tyngka. Ka phase-II kan kynthup ia ka jingbuh ia ka clear water pumping main, clear water gravity main, ka jingpyntrei ia ka clear water reservoir bad ka jingpyndait ia ka distribution system nalor kiwei kiwei.
 Marcuise N Marak haba jubab ia ka call attention motion bala wanrah da u MLA ka VPP na Mawryngkneng Bah Heaving Stone Karpran hapoh ka Iingdorbar Thaw Ain hynne ka sngi ba-ar.){kind=link}