Shillong, Jylliew 30: U Superintendent of Police jong ka East Khasi Hills ula maham ba yn leh da kaba tyngeh katkum ki kyndon aiñ pyrshah ia ki paidbah kiba tah ïit ïong ia ki kali bad ban buh be-aiñ ia ki siren.
U SP ula iathuh, ki pulit ha ka district kila shem ba ki dang don bun ki kali kiba tah ia ki ïit ïong da kaba pynkheiñ ia ka hukum jingbthah jong ka Supreme Court ha ka WP (C) No, 265 jongu 2011, kaba la mana tyngeh ban tah ia ki ïit ïong ne Visual Light Transmission (VLT) ha ki kali.
Ula ong ba ki pulit kila ioh ruh ia ki jingujor ba ki don ki riewpaidbah kiba buh be-aiñ ia ki siren ha ki kali ki jongki.
Kumta ki trai kali kiba tah ia ki ïit ïong bad kiba buh be-aiñ ia ki siren, kidei ban weng noh mardor hi, lem kumta yn leh da kaba tyngeh katkum ki kyndon aiñ ia ki nongpynkheiñ aiñ.
Pule ruh: Pat lah shimrai ka UDP halor ka Uniform Civil Code
