Guwahati, Jylliew 30: Ka Chief Minister’s Vigilance Cell kala kem ia 7 ngut ki briew ha Dhekiajuli jong ka Sonitpur District halor ka jingdonkti ha ka jyrsieh bamsap jong ka skhim Public Distribution System (PDS) ban sam khaw.
Napdeng kiba shah kem, 5 ngut ki dei ki trai jong ki dukan Fair Price Shop bad arngut ki nongtrei ka Cooperative Society.
Kine ki briew kiba shah kem ki kyrteng u Surajit Senapati, Anirudh Pal, Bhaskarjyoti Kar, Khubir Tati, Subrat Bonik, Mridul Taran bad Ashok Ghosh.
Kat kum ka khubor, ka Chief Minister’s Vigilance Cell kala set ia kine ki briew ha along ban pynlong ia ka jingtohkit hynne ka sngi Thohdieng.
Ka khubor ka iathuh ba kine ki briew kila shah kynnoh ba ki khaii tuh ia u khaw bala mang ban sam sha ki paidbah.
Ia kine ki briew la ialam tian bishar ha ka Iingkashari ba kyrteng hynne ka 30 tarik bad la phah sha along Pulit ban tohkit haduh 4 sngi.
Pule ruh: Maham leh tyngeh u SP ia ki kali ba buh iit iong bad buh siren
 ban sam khaw.){kind=link}