Shillong, Naitung 02: U Symbud Myntri Rangbah ba khmih ia ka kam Pohiing (Police) Bah Prestone Tynsong ula maham ban leh da kaba tyngeh pyrshah ia kino kino ki briew ne kynhun kiba donkti ban ialum pisa bein na ki nongkhaii.
Haba iakren bad ki lad pathai khubor ha ka sngi Balang, u Bah Prestone ula ong ba ka ain kan leh tyngeh ia kito kiba donkti ha kum kine ki kam.
Kane ka jingkren jong u kala mih halor ka jingiai phah shithi dawa pisa da ka kynhun khein beain Hynniewtrep National Liberation Council (HNLC) bad ka jinglum synniang bein da ki Sengbhalang bapher bapher.
U Bah Prestone ula kyntu ia ki riew shimet bad ki nongkhaii ba ioh pdiang ia ki shithi dawa pisa ba kin pyntip sha ka Sorkar, haba kular ba ka Sorkar kan leh ia kaba donkam.
Ula pynpaw ia ka jingsngewkhia ba bun na kiba ioh pdiang ia ki shithi dawa kim ju pyntip sha ki bor Sorkar, kaba la pyndkoh ia ka jingpyrshang ban tehlakam ia kane ka kam.
“Hateng hateng wat kito ki briew ba ioh pdiang ia ki shithi dawa, kim ju ujor lane pyntip sha ki bor ka Sorkar. Namar kata, nga kyrpad ia baroh ba lada ki ioh pdiang ia ka shithi dawa pisa nangno nangno ruh, sngewbha wan shakhmat ban pyntip sha ka Sorkar bad ka Sorkar kan sa leh ia kaba donkam” ong u Bah Prestone.
 Bah Prestone Tynsong ula maham ban leh da kaba tyngeh pyrshah ia kino kino ki briew ne kynhun kiba donkti ban ialum pisa bein na ki nongkhaii.){kind=link}