Aizawl, Jymmang 14 : Haduh 635 tylli ki sniang la pyniap hi ha Mizoram hadien ka jingsaphriang jong ka jingpang iabit bala tip kum ka African Swine Flu (ASF).
Naduh u Iaiong, ka jingpang ASF kala lynshop ha ki lai tylli ki District ka Mizoram ba kynthup ia ka Aizawl, Champai bad Saitual ha kaba haduh 308 tylli ki sniang kila iap bad haduh 195 tylli ka buh lang shi jaka naduh mynshem bnai tang ha Aizawl.
Ki Heh Ophisar ki pyntip ba hapoh ka Prevention and Control of Infectious and Contagious Disease in Animals Act, 2009, ka Tnad kala pynbna ia ki shnong bapher bapher jong kine ki lai tylli ki District kum ki shnong bala iabit ia ka jingpang hadien ka jinglynshop ka ASF.
Haduh 47,269 tylli ki sniang bad khun sniang kila iap hapdeng u snem 2021 haduh 2023 ha Mizoram namar ka jingpang ASF katba 25,182 tylli la pyniap hi ha kine ki snem.
Ka jingpang ASF kala lynshop nyngkong eh ha Mizoram ha u snem 2021 bad naduh katei ka sngi, ka jingpang kala saphriang bad jan manla ka aiom lyiur ka ju khie beit ha ka thain.
.){kind=link}