Lum u Dr Lapang ia ki Nongialam NPP ka Nongpoh ban pynkhreh ia ka elekshon 2023

Date:

Share post:

Shillong, Jylliew 21: U radbah ka sain pyrthei uba long u Adviser ka National People’s Party (NPP) Dr.D.D Lapang hynne ka sngi ba-ar, ula lum ia ka jingialang jong ki Nongialam ka Party na Nongpoh Constituency ban iasyllok halor ka jingpynkhreh ia ka elekshon MLA 2023 bad ban wanrah ia ka jingjop ba don burom hapoh ka Constituency.

U Dr Lapang ba dei u Chief Adviser u Myntri Rangbah ka Jylla, ula lum ia kane ka jingialang ha Shillong Club ban pynpaw ruh ia ka jingiadonlang jong u ha syndah ha Kyrtong jong ka NPP kong Macdalyne Mawlong Sawkmie ka ban aireng ha ka elekshon MLA na Nongpoh.

Ki Nongialam na ki kyntoit bapher bapher Jong ka Nongpoh Constituency kila pynpaw ia ka jingkmen halor ka jingmih pyrthei jong u Dr Lapang ia uba ki burom kum u Maheh ban iadonlang bad ka party.

“Ka jingmih u maheh Lapang kan long ka jingkyrkhu ia ka kyrtong ka NPP na Nongpoh Kong Macdalyne khamtam ba bun ki paidbah ha Nongpoh ki dang pyrkhat ba u Dr Lapang u dang don hapoh ka Congress” kila ong.

“Ka long kaba jwat ban pynsngewthuh ia ki paidbah hynrei ngi ngeit skhem ba da ka jingmih pyrthei ban pynkhlain lang ia ka NPP, kan kren briew kham jam ba u maheh u dei u Nongialam ka NPP bad baroh ki jingartatien ha u paidbah kin kut noh”¬† kila bynrap.

Na ka liang i Kong Macdalyne ila pynpaw ba ka jingwan jong u Maheh Lapang ban kyrshan ia i kan long ka jingkyrkhu kaba khraw bha haba ong ” Ngi tip ba ia i Maheh Lapang haduh mynta ngi dang khein ba u dei u kpa jong ka Ri-Bhoi District”.

Haba pynpaw ba kan long leh nohei ban iakhun ia ka elekshon na Nongpoh lada ym ioh ia ka jingkyrkhu u Maheh Lapang, i Kong Macdalyne ila ong “Ki kam ba ila trei kum u Nongmihkhmat bad ki synniang ba ila noh sha ka imlang sahlang kala pynlong ia i ban ioh ia ka burom kum u Kpa jong ka Thain”.

“Nga la ap la slem bha ban ioh lum ia kane ka jingialang hynrei na ka daw ba i Maheh im don ha ka bormet kaba khlain, kumta ka kam kaba Shu sahteng noh” ila ong.

Haba ai jingkren, u Dr Lapang ula ong “Ka jingkyrshan jong u ia i kong Macdalyne ka dei ba ila rung sha ka NPP ba nga don bad nga iohi ruh ia ka jingtrei shitom jong i kum i MDC. Kane kala pynlong ia nga ban shim rai ha kaban iarap ia i ha kane ka elekshon MLA ban wan”.

Haba pyntip ba ka jingkyrshan jong u ka dei namar ka jingiohi ia ka jingthrang jong ine i Longkmie ban nang pynphyrnai ia ka Constituency, u Dr Lapang ula kyntu ia ki paidbah da kaba ong “Wat khein ba i Kong Macdalyne i dei i nongwei. Ki nongwei hi ki dei tang ki bar Jylla ne ki bym dei ki khasi”.

U Dr Lapang ula kyntu ia ki Nongialam ka NPP na Nongpoh ba kin trei shitom bad ban nym khein sting satia ha ka jingialeh ban long ha u snem 2023 khnang ban pynthikna ba ka NPP kan ioh ia ka jingjop na ka Constituency.

Share post:

spot_img
spot_img

Popular

More like this
Related

Ka rta dei tang u nombor: Pyndep ka Longkmie ia ka Degree ha ka rta ba 53 snem

Shillong, Nailur 24 : Ha ka khana ba ai...

‘Age is just a number’: 53-year-old graduates from Balawan College; KSU felicitates her

Shillong, Sep 24: In a truly inspiring story that...

Kem ka NIA ia u nong Manipur ba iasuhbuit ban hiar thma ia ka Sorkar India

New Delhi, Nailur 23 : Ka National Investigation Agency...

Illegal Influx: Biren Singh says requested Centre to permanently freeze the FMR between India-Myanmar

Imphal, Sept 24: Manipur Chief Minister N Biren Singh informed...