Shillong, Naitung 12: U Myntri Rangbah ka Jylla Conrad Kongkal Sangma hynne ka sngi ula pyniaid ia ka jingialang jong ka Meghalaya Democratic Alliance (MDA) ban pynbeit ia ki kam ki jam ba iadei bad ka elekshon President ka Ri ka ban long ha ka 18 tarik Naitung.
Held meeting with our MDA partners to discuss the process for casting of votes for the upcoming #PresidentialElections2022. We stand together in favour of Smti. Draupadi Murmu as the next President of India@narendramodi pic.twitter.com/1YXGOdA8VR
— Conrad Sangma (@SangmaConrad) July 12, 2022
Shuwa kane ka jingialang, u Conrad ula ong baka jingialang MDA kan iakren beit thik tang ia ka elekshon President haba ong “Ngi la kyntu ia baroh ki MLA ba kin wan khnang ba ngin ioh batai ia ki halor ka rukom pyniaid ia ka elekshon”.
Haba kylli la ka jingdawa jong ka UDP ban ai jingsneng ia u Nongialam ka BJP bad Myntri Sorkar Bah Sanbor ruh kan mih ha ka jingiakren ha kane ka jingialang, u Conrad ula pyntip ba u dang khmih ia kane ka kam na baroh ki liang.
“Ngi dang iasyllok bad baroh bad ngin sa shim ia ka rai ha ka por kaba biang” ula ong.
