Shillong, Naitung 12 : U Myntri Rangbah ka Jylla Conrad Kongkal Sangma hynne ka sngi ba-ar ula ong baka jingpynkhreh kala iaid shaid shaid ha kaban pynsdang noh ia ka jingiakren iasuk bad ka seng Hynniewtrep National Liberation Council (HNLC).
“Ka jingpynkhreh kala iaid ha ka lynti kumba ngi la khmih lynti” ong u Conrad haba iakren bad ki nongthoh khubor.
Hynrei ula kyntait pat ban batai bniah ia kita ki jingpynkhreh haba ong “Kaei kaei kaba nga kren ka lah ban ktah ia kane ka jingpynkhreh baroh”.
U Myntri Rangbah ula kyrpad ia ki paidbah ba kin long kiba iai shah namar ia ki jingtip kiba bniah yn sa sam ynda la dei ka por.
