Shillong, Nailar 26: Ka Meghalaya Institute of Governance (MIG), jong ka sorkar jylla ryngkat ka jingiatreilang bad ka Department of Economics, North Eastern Hill University (NEHU) kan sa pynlong iaka One day State Conference halor ka mat “Strengthening the Finances and Financial Accountability of Autonomous District Councils in Meghalaya” haka 29 tarik u Nailar ha State Convention Centre, Shillong.
Kadei ka sien kaba nyngkong eh ban shim ia kum kane ka sienjam ban lum lang shi jaka ia nongmihkhmat jongki Autonomous District Councils bad ka sorkar jylla ryngkat bad ki riewshemphang ban iatai sani halor ki mat bad ki jingeh ha ka kam synshar paidbah ha ki shnong ki thaw.
U Myntri sorkar uba khmih iaka tnad District Council Affairs u Bah Lahkmen Rymbui yn long kum u kongsan, katba u Prof. V. N. Alok jongka Indian Institute of Public Administration, New Delhi yn ai iaka jingkren maitphang.
Ki MDC bad ki ophisar jong ki Autonomous District Councils bad naka sorkar jylla kin wan ban iashimbynta ha katei ka jingialang.
