Shillong, July 26: Kum ka sienjam n aka jingpynkhreh ia ka 39th National Games ha u snem 2027, ka jylla Meghalaya ha ka sngi Thohdieng kala lum ha ka sien kaba nyngkong eh ia ka Interstate Coordination Meeting ha Shillong, kaba wanrah lang ia baroh ki Myntri ki kam ialehkai, ki heh ophisar Sorkar bad ki nongmihkhmat na ka Olympic Association na baroh 8 tylli ki jylla jong ka thain Shatei Lam Mihngi.
Ia kane ka jingialang la lamkhmat da u Myntri ka tnad ialehkai ka Jylla Meghalaya Bah Shakliar Warjri, kaba la iatai sani na ka bynta ban pynlong ia katei ka jingiakob ialehkai ka ban rakhe ia ka jingiatylli ka thain, ka jingpynkhreh ia ki jingtei bad ia ka sap ialehkai.
“Ngim shym la pynkhreh tang ban pynlong ia ka National Games, ngi dang pynkhreh ban thaw ia ka histori” ong u Bah Warjri haba bynrap “Kane kadei ka kabu ban pyni ia ka jingkhlain jong ka thain Shatei Lam Mihngi, ym tang ha ki jingialehkai hynrei ha ka jingiatylli bad ka jingiakyrshan lang”.
U Myntri ka kam ialehkai ka Arunachal Pradesh u Kento Jini ula ong ba kane ka jingialang “kadei ka khyllipmat ha ka histori jong ka jingkynthuplang ia baroh” bad bynrap ba ka thain Shatei Lam Mihngi kala long kaba la pynkhreh ban thaba lyngba ki jingtei, ka jingdon sap bad ka jingiatreilang”.
Ka mat kaba la iatai bha kadei halor ka jingtyrwa ban ailad ban pynlong ia kawei ka jingialehkai ha kylleng ki jylla jong ka thain Shatei Lam Mihngi jong ka ri. Kane ka sienjam ka thmu ban lah pyndonkam pura ia ki jingdon jingem bad ban pynshlur ia ka jingsngew longtrai lang ia kaba la ioh ia ka jingmynjur na baroh.
U Dr. Vijay Kumar D, u Commissioner and Secretary ka tnad Sports ula pynbna ia ka T. 1,500 Klur kum ka Investment Plan kaban kynthup ia ki Stadium kiba thymmai, Athlete Hostel, Sports Medicine Centre bad ki jingtei ha kylleng ki district.
Kin don palat 10,000 ngut ki nongialehkai ha palat 30 tylli ki jingiakob, ka National Games ha u 2027 kadei kaba la pynkhreh ban long ka rynsan iakob ialehkai kaba heh tam, kaban pynlong da ka jylla Meghalaya. Kaba kham kongsan, baroh ki kynhun ba iadon bynta kila pynpaw ba kan long kum ka jingwanrah ia ka jingkylla ha ka rukom pyniaid jong ka thain Shatei Lam Mihngi ha ka rynsan iakob ialehaki ha ka ri.
Kane ka kam long kongsan eh ban ia ka jingiakob ialehkai” la pynkut u Bah Warjri bad ka bynrap, “Kadei ka jingpyni, ia kaei kaba ngi long- iatylli, trei shitom bad kiba la pynkhreh ban pynsah jingkynmaw shirta kaban palat ban ia ka jingialehkai”.
