Lum jingialang ka ECI halor ka jingmh duna ki nongjied nongmihkhmat

Delhi, Iaiong 06: Ha shuwa ka jingthep vote na ka bynta ka General Elections 2024, ka Election Commission of India (ECI) ka la pynsted ia ki sienjam ban kyntiew ia ka jingiashim bynta ki nongjied nongmihkhmat ha ki Parliamentary Constituency (PC) kiba ju duna ka jingiashim bynta ki nongjied nongmihkhmat ha ki General Election ba la dep.

Ha ka ‘Conference on Low Voter Turnout’ kaba shi sngi ba la pynlong ha ka sngi Thohdieng ha NirvachanSadan, New Delhi, ki Municipal Commissioner na ki nongbah bad ki katto katne ngut ki District Election Officer (DEO) na Bihar bad Uttar Pradesh ki la iamir jingmut ban tei ia ka lynti sha ka jingkyntiew ka jingiashim bynta ki nongjied nongmihkhmat ha ki katto katne ki PC ha ki jaka sor bad ki jaka nongkyndong.

Ia kane ka Conference la pyniaid da u Chief Election Commissioner, Rajiv Kumar ha ryngkat ki Election Commissioner kiba kynthup ia u Gyanesh Kumar bad u Sukhbir Singh Sandhu bad ka Commission ka la pyllait paidbah ruh ia ka kot shaphang ka jingkhein sting ki nongjied nongmihkhmat.

Kila don 11 tylli ki Jylla /Union Territory kiba kynthup ia ka Bihar, Uttar Pradesh, NCT jong ka Delhi, Maharashtra, Uttarakhand, Telangana, Gujarat, Punjab, Rajasthan, J&K bad Jharkhand ki don ka jingishim bynta kaba kham duna ia ka jinglong jingman ha ka ri kaba long 67.40% General Election 2019 sha ka Lok Sabha.

Na baroh 50 tylli ki PC ha ki jaka nongkyndong ha 11 tylli ki jylla ba la iohi ka jingduna ka jingiashim bynta ban ia ka jinglong jingman ha ka ri ha u 2019, 40 tylli ki PC ki dei na Uttar Pradesh (22 tylli ki PC) bad Bihar (18 tylli ki PC). Ha UP, 51- Phulpur PC ka la don ka jingiashim bynta kaba duna tam kaba long 48.7%, katba ha Bihar, ka 29-Nalanda PC ka la don ka jingiashim bynta kaba duna tam kaba long 48.79%.

Ha ka jingkren bad ki Municipal Commissioner bad ki DEO, u CEC Rajiv Kumar u la ong ba 266 tylli ki Parliamentary Constituency (215 ha ki jaka nongkyndong & 51 ha ki jaka sor) ki dei kiba la ithuh kum kiba duna ka jingiashim bynta bad la khot ia baroh ki Municipal Commissioner, DEO bad State CEO jong kine ki jaka mynta ka sngi ba kin wad lad wad lynti ban iakren bad ki nongjied nongmihkhmat.

Ula kren shaphang ka rukom treikam kaba lai bynta kaba long ka jingplie lad ha ki jaka thep vote kum ka jingpyniaid ia ka rukom ieng ki briew, ka jaka buh kali; ki jingai jingtip bad ka jingiashim bynta da kiba iadon bynta ha kane ka kam kum ki RWA, ki riewpawkhmat bad ki samla ba pawnam ba kin pynshlur ia ki briew ba kin wan sha ki jaka thep vote.

U CEC ula bthah ia ki ba kin pynkhreh kam ha ki jaka thep vote ban kyntiew ia ka jingiashim bynta bad ka jingkylla ha ka jingmut jingpyrkhat jong ki briew bad ula kyntu ia baroh ki MC bad ki DEO ba kin pynkhreh ia ki rukom treikam bapher bapher na ka bynta ki jaka sor bad ki jaka nongkyndong bad ban pynkhreh ia ki kam ia ki briew bapher bapher.

Ula ban jur ba ‘kawei ka rukom treikam ia baroh’ kan ym seisoh bad ula kyntu ruh ia kito kiba don ha ka bor ba kin trei ha ka rukom kaba wanrah ia ka jingsarong ha ki nongjied nongmihkhmat ban iashim bynta ha ki kam kiba iadei bad ka synshar paidbah. U la ong ba ki briew ki dei ban don ka mon lajong ban wan iashim bynta ha ka jingjied nongmihkhmat.

Kane ka conference, kaba dei ka jingiatreilang hapdeng ka ECI bad kito kiba don bynta ha kane ka kam, ka peit bniah ia ka jingsaindur ia ka rukom treikam kaba pura ban pynbeit ia ka jingleh sting ki briew, ka jingpyniaid ryntih ia ki kam bad kyntiew ia ka jingiashim bynta ki nongjied nongmihkhmat. Ki jingiakren ki la long halor ki kam ba kongsan kum ka jingpyniaidbha ia ki briew ha ki jaka thep vote, ka jingplie lad ia ka jingthep vote ha ki building kiba jrong, bad ka jingpyndonkam ia ka Systematic Voters’ Education and Electoral Participation (SVEEP) programme.

Da kaba ban jur halor ka jingiatreilang bad ka jingai bynta lang ia baroh, ka ECI kala kyntu ia ki Municipal Commissioner bad ki DEO ba kin noh synniang sha kane ka kam. La peit bniah ia ki jingeh ban kyntiew ia ka ingiashim bynta ha ki jaka sor bad la pynkhreh ia ki jingpynbeit katkum ki jinglong jingman jong ki nongbah da kaba peit bniah ia ki jingdonkam ba kyrpang jong ki konstituensi.

Ha kane ka Conference la wan iashim bynta da ki Municipal Commissioner jong ka Delhi, Mumbai, Chennai, Bengaluru, Hyderabad, Ahmedabad, Pune, Thane, Nagpur, Patna Sahib, Lucknow bad Kanpur bad ruh ki District Election Officer jong ka Bihar bad Uttar Pradesh. U CEO Bihar, CEO UttarPradesh, CEO Maharashtra bad CEO Delhi, ki CEO na ka jylla Karnataka, Gujarat, Madhya Pradesh, Rajasthan, Tamil Nadu, Telangana bad Punjab.