Shillong, Jymmang 04: U Chairman cum Managing Director ka Meghalaya Energy Corporation Limited (MeECL) Sanjay Goyal ula pynthikna ba kan ym don satia ka Load Shedding ne ka jingpynlip bording elektrik ha kine ki sngi ban wan.
Ula ong, ba ka jylla ka dang don ha ka khep ba dang lah ban ai bording elektrik khlem ka jingthut sa ha kine ki san ne hynriew taiew lada ka dang slem ban wan ka aiom slap.
Haba kren bad ka Shlem, ula ong ha ki snem kiba la leit noh, kala don ka jingduna pynmih bording bad kala pynthut ia ka rukom sam ia ka bording haba pynpaw ia ka 28 tarik u Iaiong 2024 ba ka dei ka sngi ba kala don ka jingthud ha ka jingsam bording ha Laitkor naki jingjia kiba kynthup iaka jingkhyllem u dieng kadei kawei na ki daw.
Ula pyntip ba ka jylla kala ioh biang ia ka bording ba 35 MW na ka National Thermal Power Corporation Limited (NTPC), kaba la bhah ha ki por bala leit sha ka jylla Uttarakhand hynrei mynta ia kane ka bording la ioh biang da ka jylla Meghalaya.
Ka Meghalaya kala dep pynbeit bad ki kompani bad ai ia kane ka bording lyngba ka power banking ban pyndap pynbiang lada don ka jingduna jong ka bording ha Jylla hadien jong u bnai Jylliew.
Ia ka power policy yn sa iatai sani bha hadien ba la weng noh ia ka Model Code of Conduct, hynrei ula pynpaw pat ia ka jingskhem jingmut halor ka jingkiew jong ka jingdon jong ki kompani shimet bad ia katei ka policy yn sa buh kyrpang khnang ba ki paidbah kin iohi lut.
 Sanjay Goyal ula pynthikna ba kan ym don satia ka Load Shedding ne ka jingpynlip bording elektrik ha kine ki sngi ban wan.){kind=link}