Shillong, Jymmang 04: Uwei u samla pule ka NIFT Shillong uba tip kyrteng u Pramud Brahma, ula ngam jyllop ha ka thwei kaba don hakhrum jong ka jingkieng lynti David Scot trail, Mawphlang.
Kane ka jingjia kala jia haka por kumba 2:30 baje janmiet jong ka 3 tarik Jymmang.
U samla Pramud udei uba shong ba sah ha Kokrajhar Assam bad u dei ruh uba don bynta bad ka kynhun iaid kjat ki samla pule ka NIFT Shillong sha David Scott Trail Mawphlang.
La iathuh ba kane ka jingjia ba sngewsih kala jia haka por ba u samla Pramud u dang jngi lang bad ki para samla pule ha kawei katei ka thwei.
Iaka met u samla Pramud la ioh ban sei daki Pulit ka Search and Rescue Team mynta ka sngi bad la pynkit noh ia ka sha Shillong Civil Hospital ban leh iaka ba donkam hashuwa ban aiti shaki baha ing.
