spot_img

Load Shedding : Pynkup bor ka Sorkar Pdeng ia Ki Nongthang bording Elektrik ban dawa bailutksan

Date:

Share post:

Shillong, Risaw 29: Ka Sorkar Pdeng kala pynkupbor ia ki Nongthang bording elektrik ba ki don ia ka hok ban pan ia ka bai lutksan na ki kompani sam bording, lada kine ki kompani kila pyntreikam ia ka Load Shedding (pynlip bording) hala ka mon bad ba shu leh khlem nongrim.

Kane ka long kat kum ka Electricity (Rights of Consumer) Rules, 2020, kaba kren shai ba kam dei ban don satia ka jingpyn lip bording ba khlem nongrim ne ba leh khnang da ki kompani ba sam bording.

Kat kum ka jingong jong ka Power Ministry ka Sorkar Pdeng, ki nongthang bording elektrik ki don ia ka hok ban ioh ia ka bording ba 24 kynta ha baroh 7 sngi ha ka shitaiew (24×7) bad ki don ruh ia ka hok ban kam ia ka bai lutksan na ki kompani ba sam bording.

Ka Jylla Meghalaya ka dang iai bteng ban mad ia ka jingeh na ka jingpynlip bording (load shedding) ba da ki snem mynta, ia kaba la ai daw na ka jinghiar ka um ha ki Hydro Project (dam) ha ka por rkhiang bad ruh na ka jingiabujli bording (swapping).

Ka MePDCL ha kine ki bnai rkhiang bala leit noh, kala pynlip bording ba kot hapdeng 8-10 kynta shisngi hapoh ka Jylla, kaba la ktah jur ia ki longiing kiba duk bad ki longiing ba duna ka jingioh namar ka jingbym lah kyrshan ban thied ia kiwei pat ki lad tbeh jingshai iala ka iing ka sem.

Wat ki nongsengkam barit baria kila shah ktah jur bha ha ka jingpynlip bording jong ka MePDCL.

Hynrei wat hadien ka jingwan ka lyiur bad ka jingshlei jong ki dam jong ki Hydro project, ka MePDCL ka dang iai bteng ban pyntreikam ia ka Load Shedding kaba long hapdeng 2 kynta haduh 4 kynta ha ka shisngi ha kiba bun ki jaka khamtam ki jaka nongkyndong.

Ha ka jingialang bishar kam bad ki Power Regulator na ka Sorkar Pdeng, ki Jylla bad ka Joint Electricity Regulatorry Commission ba long mynta u bnai, u Myntri ka Sorkar Pdeng ba khmih ia ka Power and New & renewable Energy RK Singh ula ban jur ba ki kompani sam bording ki dei ban pyntreikam noh ia kane ka Rule.

Ula ong ba ki State Power Regulator ki dei ban pynthikna ba ki nongthang bording elektrik ki dei ban ioh ia ka bai lutksan na ki kompani sam bording lada ki pynlip bording khlem ka nongrim kaba shonghok.

 

Share post:

spot_img
spot_img

Popular

More like this
Related

Phah tuklar ki bahaiing Raja Raghuwanshi ha u PM ban tohkit CBI | Pat lapdien ia ka Sonam

Shillong, Jylliew 06 : Ki bahaiing u Raja Raghuvanshi,...

Assam | Dawa ka Congress ban tohkit CBI ia ka jyrsieh tih marpoh khyndew ha Kaziranga

Guwahati, Jylliew 6: Ka Congress ha jylla Assam kala...

Pynbna u SDO ban khang biang ia ka surok Laitlyngkot-Langkyrdem

Shillong, Jylliew 06: U Sub Divisional Officer ka Pynursla...

Thung u DC ia ka Inquiry Committee ba iap ka Longkmie bad i Khunlung ha MCH Hospital

Shillong, Jylliew 06 : Ki Bor District ka West...