Nongstoiñ, Nailur 2: Ki paid nongshong shnong jong ka shnong Siejlieh kawei na ki shnong kaba don ha sor Nongstoiñ West Khasi Hills District, mynta ka step ha ka por kumba 9 baje ei ei ki la leit ban tawiar bad pyrshang weng da ka bor, ïa kawei ka khyrdop pulit kaba don ha kawei na ki kyntoid jong ka shnong kaba la tip kum ka Mawïaban.
Hadien ba la mih ka jingïalum paidbah ha katei ka jaka, na ka liang jong u bah N.Nongkhlaw o/c ka Nongstoiñ Police Station u la wan mar mar ban pynjai jai bad ban tem ïa katei ka jingkhluid ki paidbah.
La ong ba katei ka khyrdop ka la don bad ieng beaiñ hangtei mynta la kumba 3 snem kynthih, khlem da ïoh jingbit wat na ka shnong ruh bad haba ki bor shnong lyngba ka dorbar ki la ai jingthoh ban phah weng noh ïa katei ka khyrdop, ym shym la don kano kano ka jubab na ka liang jong ki bor jong ka aiñ pynban la shu ñiew beiñ bad khlem patiaw ei ei wat ïa ka bor shnong.
Ha katei ka jaka man ka sngi la pynieng ruh shisyndon da ka kali bullet proof, kaba la I kumba ka don kano kano ka jingjia kaba shyrkhei.
Phewse la don tang 2-3 ngut eh ki pulit langrut kiba dem ba thiah miet la bad sngi bad ha syndah ka ïing dara jong ki, la dap satang da ki bilor kyiad bad ki plastic. Nalor kata ha katei ka jaka ym don toi wat tang ka jaka leit bar na ka bynta ki nongap pahara ha katei ka khyrdop.
