Shillong, Nailur 14: Kawei ka kali kit jhur-ka Mahindra Max kala leit ban tynrah hynnin ka miet ia kawei ka trok kaba ieng harud surok jong ka shnong Mawkriah bad ha kane ka jingjia, u nongniah jong kane kali kit jhur ula mynsaw.
Kane ka kali kit jhur ba don u nombor ML05-7947 ka dei kaba na ka Shnong Nongthliew ban pynpoi ia ki jhur sha Shillong.
Hynrei la iathuh ba ynda poi ha Mawkriah, kane ka kali kala leit ban tynrah noh ia ka trok Assam ba don u nombor AS01-KC-8932-kaba ieng khlem akor harud jong ka surok.
La ong ba namar ka jingkiar ia kawei ka kali ba knieh tam shakhmat bad namar ka jingiaid sted bad jingkhia ka mar ha ka kali, une u nongniah ka Mahindra Max um shym la lah shuh ban tehlakam ia ka kali bad beit beit ula leit tynrah ia kane ka trok nadien.
La iathuh ba mar syn jia kane ka jingjia, u nongniah jong ka trok u la phet bak na katei ka jaka. Ia une uba mynsaw la pynkit noh mar mar sha hospital ban ioh ia ka jingsumar.
