Shillong, Naiwieng 21 : U Myntri Rangbah ka Jylla Conrad K Sangma ha ka sngi Ba-ar, ula leit ai khublei burom ba khatduh ia u Symbud Myntri Rangbah barim ka Jylla Bah Standlington David Khongwir, ha ka Iingsah jong u ha Mawlai Nonglum mar pyrshah ka madan Weiking.
U Bah SD Khongwir ula khlad noh hynne ka step ha NEIGRIHMS Hospital ha ka rta ba 90 snem hadien ka jingpang kaba la ban la I u la kham slem.
Haba pynpaw ia ka jingsngewsih halor ka jingkhlad u Bah Standling, u Myntri Rangbah ula pynpaw ba ka Jylla kala ithuh ia u Bah Standling kum uwei na ki riew rangbah uba la noh shibun eh ka synniang ia ka constituency bad ia ka Jylla baroh kawei.
“La ju tip ia u (Standling) kum u briew uba ki paidbah ki ieid bad burom bha, kane kala paw na ka jingioh ia ka jingkyrshan wat hadien ba um long shuh u MLA, watla katta ka jingkyrshan, ka jingieid na ki paidbah kala phalang shai ba u dei u Nongialam ba kumno” ong u Conrad haba ai khublei khatduh ia une u Symbud Myntri Rangbah barim ha ka Iingsah.
Haba pynpaw ia ki jingiakynduh bad ki jingioh iakren iakhana lem bad ki jingioh ia ki jingnang jingtp na u (L) Bah Standling, u Conrad ula ong “Nga la ioh ka lad ban iakren, iakynduh bad iatrei lang bad u ha ki snem bala leit noh. Wat, ha ka por ba u dei u Rangbah Shnong ngi la iakynduh la katto katne sien. Namar kata, nga la ioh bha ka kabu ban ioh jinghikai na u, bad ban ioh iakren iasyllok ia shibun kiei kiei” ula bynrap.
Haba thoh ha X, u Conrad ula ong “Nga ai khublei burom ba khatduh ia u Symbud Myntri Rangbah barim Bah Standlington D Khongwir ha ka Iingsah jong u. Na ka bynta ki paidbah ka Jylla bad khamtam eh ki paidbah ka Mawlai, ka jingkhlad noh I Parit Standling ka dei ka jingduhnong kaba khraw ia ka imlang sahlang”.
U Conrad ula kynmaw ruh ia ki synniang jong u kum u Rangbah Shnong haduh 55 snem bad ka jingtreikam jong u na ka bynta ka roi ka par jong ka Mawlai kum u President ka Mawlai Town Dorbar.
Paid my respects to Former Deputy Chief Minister, Shri Standlington D Khongwir at his residence. For the people of the state and especially the constituents of Mawlai, the demise of Parit Standling is a personal loss to the community.
Parit served wholeheartedly as the Rangbah… pic.twitter.com/Dd5cdR2bEG
— Conrad K Sangma (@SangmaConrad) November 21, 2023
