Shillong, Lber 24: Ka kynhun ki 14 ngut ki thei ialehkai Kickboxing ka Meghalaya, kila mih ban leit iashimbynta ha ka Khelo India Asmita Kickboxing Women’s National League 2025-26, kaban long naduh ka 26-29 tarik u Lber 2026.
Ia kane ka kynhun la ialam da ka Coach Ibadahunshisha Rani, kaba kynthup ia ki samla kiba lah ioh khur ia ki takma ha ka East Zone League kaba la long dang shen ha Siliguri.
Ki nongialehkai ki kynthup ia ka Daniella I. Wanda Mylliemngap (Low Kick Senior Female, 60 kg), Medariphylla Lyngdoh Nongbri (Low Kick Senior Female, 56 kg), Isapynbiang Lyngdoh (Point Fighting Younger Cadet, 28 kg), Baiahunlang Mylliemngap (Low Kick Senior Female, 65 kg), Damansani Kharsahnoh (Point Fighting Senior Female, 45 kg), Ineshabahun Dkhar (Low Kick Senior Female, 52 kg), Rikyntiew Nongrum (Point Fighting Senior Female, 55 kg), Iaribynta Kharsahnoh (Point Fighting Senior Female, 50 kg), Ariana N. Marwein (Light Contact Older Cadet Female, 46 kg), Mandasumar Nongphud (Musical Form Children Female Hard Style), Emiliana Papang (Point Fighting Junior Female, 45 kg), Lidia Wahlang (Low Kick Junior Female, 52 kg), Phidari Rani (Low Kick Junior Female, 52 kg) bad Emiliana Susngi (Low Kick Junior Female, 44 kg).
“Ngi kitbok kitrwiang ia ki” la ong ka Meghalaya State Kickboxing Association (MSKA) ha ka jingialang kaba la long ha Hotel Assembly kum ka jingphah ia ki ban leit iakhun. Ki nongioh ia ki takma kila ioh ia la song pisa kaba T.8,000, T.6,000 bad T.4,000 na ka Sports Authority of India.
Ka jingpynrung ia ka Kickboxing ha ka “ASMITA” League ka thmu ban kyntiew bad pynkhlain ia ka jingiashimbynta ki kynthei ha ki jingialehkai ha ka national level.
