Guwahati, Jymmang 19 : Ka kynhun ba 7 ngut ki dkhot ka Assam Human Rights Commission (AHRC) ba ialam da u Santanu Bharali, kila leit sngewlem sha ka Iingsah ka Sub Inspector ka Tnad Pulit Junmoni Rabha, kaba khlad na ka jing iatakhuh kali ha Nagaon District.
Ka Kynhun kala pynpaw ia ka jingsngewlem sha ki bahaiing hasem bad iakren ruh bad ka Kmie jong ka Junmoni.
Ka Kmie kala pynpaw ia ka jingsngewsih bad suba jur ba ka don kaei re kaei ha lyndet ka jingiap ka Khun. Ka pyntip ba ki Pulit kila wan rung sha Iing jong ka hadien ka jingjia aksiden bad pynlong ruh ia ka jingkhynra.
U Bharali ula pynpaw ia ka jingngeit bad ka Sorkar Assam lyngba ka Tnad Pulit, kan pynlong ia ka jingtohkit kaba thikna halor kane ka jingjia bad ban ai iaka jingbishar ba hok ia ka Khun jong ka bad kular ruh ia ka ba ka Commission kan sa shimkhia ban khmih ia ka jingtohkit.
Ia u Bharali la synran da u Phanidhar Deka, Under Secretary, Swarnali Hore, Section Officer, Arunjit Singh PS jong ka Commission, Debajit Borah, Accountant bad J Tapan Barooah, Research Assistant.
