spot_img

Pynshai u CM ba ka Reservation Policy khlem ka Roster ka dei ka bym don jingmut

Date:

Share post:

Shillong Jymmang 18: U Myntri Rangbah ka jylla Conrad K Sangma hynne ka sngi palei, ula ong ka Reservation Policy khlem ka Roster System ka dei ka bym don jingmut kumta dei ban pyntreikam iaka Roster System ban pynthikna ba ki jaidbynriew kin ioh ia ka bhah kumba la bhah ia ki.

Haba iakren bad ki lad pathai khubor hadien ka jingialang jong ka MDA, u Conrad ula ong “Ban iakren ia ka Roster khlem da ktah ia ka Reservation Policy kan ym jingmut ka dei ka bym iahap satia namar ka Reservation ka dei kawei pat ka bynta hynrei ka Reservation khlem ka Roster ka dei ka bym don jingmut”.

Ula kynthoh ia kane halor ka jingkynthoh ka KHNAM ba ka jingiakren ia ka Roster khlem da ktah ia ka Reservation Policy kan ym pat biang pura haba kyntu ia ka Sorkar ban iakren ruh ia ka Reservation Policy ha ka jingialang jong ka All Party Meeting lashai ka sngi.

“Phi hap ban sngewthuh kaei ka Roster. Ka Roster ka dei ka skhim, ka rukom pyniaid ne ka jingbuh pali, ha kaban pyntreikam pura iaka Reservation Policy kumba ka long” ong u Conrad.

 

Haba kylli ba ka KHNAM bad ka VPP kila dawa ban bishar thymmai ia ka Reservation Policy kat kum ka jingdon bun paid, u Myntri Rangbah ula ong baka jingiakren kaba iar halor ka Reservation Policy ka dei kaei kaei kaba ym dei ban iakren tang ha ka jingialang ba hynnin, mynta bad lashai.

“Kine ki lai sngi ki dei kiba la buh thik ban iakren ia ka Roster System, ban pyntreikam ia ka Roster System halor ki hukum jong ka IIngkashari bad ban pynthikna ba ka Reservation Policy bala wanrah ha u snem 1972 la pyntreikam thik kumba ka long” ula ong.
U Myntri Rangbah ula ong ba hadien ka jingai ia ki jingbatai ha ka jingialang, ki MLA bad ki Nongialam jong ka kynhun MDA kila pyni iala ki jong ki jingsngew bad ki jingai jingmut bad “Ngi la buh jingthoh ia kine”.

Ula pyntip ba ka rai ka dei kaba la dep ban shim haba iadei bad ka Roster System bad ong “Kane ka dei u lain uba ngin jam shakhmat bad mynta ngin iakren bad baroh ki kynhun bad ki MLA bad ban pynshai sha ki halor kiei ki rukom treikam kiba la Sorkar kan iaid”.

 

Haba kylli la ka MDA ka mynjur lang ia ka rai jong ka Kynhun Myntri halor ka Roster System , u Conrad ula ong “Ka long kawei ka sur kaba mut ba kila shim ia ki mat, kila sngewthuh bad kila iaroh ia ki katto katne ki mat ba ngi la kdew. Ki dang don shibun ki jingartatien kumba nga ong hynrei nga la pyrshang ban batai bad phi sngewthuh b aka long kaba eh bha bad ka kham eh shuh shuh ban ia kaei kaba nga la iathuh ha phi mynta”.

Ha kajuh ka por, u Myntri Rangbah ula pynshai ba kiei kiei baroh la leh kat kum ka Roster bad ka Reservation Policy bad bynrap “Ngi la shai kdar halor kane. Ka dei ka formula kaba suk eh kaba ngin iaid”.

“Kan hym don ka jingmyntoi iano iano ruh. Ka shu long ba haba don ka Reservation, ka roster ruh ka dei ban don. Ka dei kaba la buh da ka Sorkar India, ka Iingkashari Supreme Court bad namar kata, ka Meghalaya kan hap ban pyntreikam ia ka roster system naduh ka sngi ba nyngkong. Kumba nga ong, ka Roster System ka ailad ia kano kano ka kam ba lait bala mang sha kano kano ka Jaidbynriew ba kan leit beit thik tang sha kane ka Jaidbynriew”.

Share post:

spot_img
spot_img

Popular

More like this
Related

Thoh ka Sorkar sha ka UGC ban ithuh noh ia ka Captain Williamson Sangma University

Baroh ki College Sorkar bad ki Aided kin hap...

Kular ka DGP ban leh eiei halor ki nongpynkulmar shnong bad ki jingeh ki PWD

Shillong, Jymmang 30: Ka Director General of Police (DGP)...

Kurup ka Tnad Custom ia ka bniat hati ba khia 27 kilo

Shillong, Jymmang 30 : Ha ka jingkhynra pyrshah ia...

Kyndit ka KSU ba phah pyniasoh ka Sorkar ia ki College sha ka Williamson Sangma University

Shillong Jymmang 30: Ka Khasi Students Union kala pynpaw...
spot_img