Nongstoiñ, K’lyngkot 27: Ka KSU Umsohpieng Unit hapoh ka jingïalam u Samla Litterius Syiem Assistant General Secretary ha ryngkat ki dkhot, ha ka 24 tarik Kyllalyngkot 2024 ki la leit ban ai jingïarap ïa kawei ka lanot pluh ïing ha Nongdiengkaiñ da ki mar bam mar dih, ki jaiñ kup bad ki tiar shet tiar tiew.
Haba kylli, i trai Pynshailang Marthong ila ïathuh kane ka jingjia ka la jia ha ka por 7:30 janmiet ei ei jong ka 22 tarik bad ym lah satia ban tip ia ka daw. Na ka liang jong I trai ïing I la ai khublei kyrpang ïa ka seng ha kaba ka long kaba kloi ban synñiang lem ha kine por ba ki donkam shisha ïa ki jingïarap.
U Samla Litterius Syiem u la ong ba na ka liang jong ka seng kan ai ruh ia ka kti ka diang ka kti ka mon ban ïarap bad ban buddien ba ki lanot kin ïoh kham kloi ia ki lad jingiarap na ka Sorkar.
