Shillong, Nailur 03: Ka National People’s Party (NPP) kaba synshar ia ka Jylla, kala leit rung khlieh mynta ha 18th West Shillong Constituency ban pynkhreh ia ka elekshon MLA-2023 bad kala pynskhem ruh ia ka Block Committee ka ban pyntyllun shakhmat ia ki kam jong ka Party.
Ha kane ka sngi, ka NPP kala pynskhem syndon ruh ia ki Nongkitkam jong ka Women’s Wing bad ka Youth Wing, ki ban iarap ia ka Block Committee.
Ia ki Nongkitkam jong ka 18th West Block Executive Committee la pynskhem da u President ka NPP-Meghalaya bad MP ka Rajya Sabha Dr W R Kharlukhi ha ka jingiadon ryngkat u National Vice President bad Symbud Myntri Rangbah ka Jylla Bah Prestone Tynsong, ha ka jingialang kaba la pynlong ha Hindu Mission, Lower Mawprem myn ha ka 30 tarik Nailar.
Kine ki Nongkitkam ka Block Committee ki long u Bah Rishan Rapsang kum u President, Working President ki kynthup ia u Bah Sonny L Khyriem, Kong June Warbah, Vice President Bah Rishan Nongsiej bad u Bah John Syiemlieh, katba u Bah Richard Dkhar, Bah Lang Lamare, Bah Mike Pakyntein bad Bah Arif A.Khongsit kum ki General Secretary bad kiwei kiwei.
Nalor kine, la pynskhem ruh ia ki Nongkitkam jong ka Women’s Wing kiba kynthup ia ka Bina Lama kum ka president, Kong Margret Nongbet bad Kong Philomina Ryngki kum ki Vice President, Kong Susan Marbaniang kum I General Secretary, Kong Bianghi Toi bad Kong Mum Lanong kum ki Secretary, Kong Daphisha Jana kum I Treasurer.
Ki nongkitkam ka Youth Wing ki kynthup ia u President samla Wallam Kupar Lyngdoh, General Secretary u Kenny Thabah.
