Leit pyniasoh ki 5 ngut ki MLA ka JD(U) bad ka seng BJP ha Manipur

Date:

Share post:

Guwahati, Nailur 03: Ka party Janata Dal-United (JDU) jong u Nitish Kumar kala pynkut noh ia baroh ki jingiateh bad ka seng BJP hapoh Bihar, bad hynnin ka janmiet sngi Thohdieng san napdeng ki hynriew ngut ki MLA ka JD(U) ha Manipur kila leit pyniasoh ia lade bad ka party synshar ka BJP.

U Secretary Assembly ka Manipur, u K Meghajit Singh ha ryngkat ka jingsoi kyrteng ka jong u ha ka jingthoh ula ong ba na ka liang u Lamphang ka iingdorbar ula pdiang sngewbha halor kane ka jingwan pyniasoh jong ki san ngut ki MLA ka JDU sha ka BJP.

Katei ka jingthoh kala ong ruh ba namar ka jingdon jong ki MLA kiba pyniasoh BJP ka la tam da ar bad lai shah na ka jingdon ki dkhot, kumta la shim ba kane ka sienjam ka long kaba treikam.

Lah ruh ban kdew ba wat ha ka snem 2020, hynriew ngut ki MLA ka JDU na ki hynniew ngut hapoh Arunachal Pradesh kila leit ban pyniasoh bad ka BJP. U MLA uba khatduh eh ruh ula shim ia ka rai ban pyniasoh bad ka BJP ha kane ka taiew ba la dep.

Kine ki MLA kiba la leit ban pyniasoh bad ka BJP ki kynthup ia u Kh Joykishan, N Sanate, Md Achab Uddin, u DGP barim u L M Khaute bad u Thangjam Arunkumar.

Share post:

spot_img

Popular

More like this
Related

CAG recommends relocation of teer counters near schools and worship places

Shillong, March 15: The state government has been recommended...

Over 250 illegal teer ticket sales detected in six years: CAG report

Shillong, March 15: Over 250 cases of illegal sale...

Ai jingmut ka CAG ia ka Sorkar ban pynkynriah lut ia ki dukan tim najan ki jaka pule bad Iingmane

Shillong, Lber 15: Ka Comptroller & Auditor General (CAG)...

Lap ka CAG ia ka jingdie tuh ia ki nombor tim | Ai jingmut ban leh tyngeh ia ki Ophisat

Shillong, Lber 15: Ka Comptroller & Auditor General (CAG)...