Nongpoh, Naitung 13 : Ki MLA ka National Peoples’ Party (NPP) na Ri-Bhoi District, hynne ka sngi Palei, kila iakynduh ia u Myntri Rangbah ka Jylla Conrad K Sangma bad kyrpad ba un theh lem ia ki kam pynroi bapher bapher hapoh ka District khamtam ha ki shnong kiba dang sahdien.
Kine ki MLA ki kynthup ia u MLA ka Jirang Bah Sosthenes Sohtun bad u MLA ka Umroi Bah Damanbait Lamare, ia kiba la synran lang da ki Nongialam ka NPP na ki constituency bapher bapher ka Ri-Bhoi District.
Kine ki MLA kila pynpaw hakhmat u Myntri Rangbah ba ki dang don kyrhai ki shnong ha Ri-Bhoi kiba dang sahdien bha ha ki jingdonkam ba manla ka sngi bad ki bym lah kiar khamtam haba phai sha ka pule ka dangle, ka koit ka khiah, ki lad pyniasoh bad kiwei kiwei.
La iathuh ba u Myntri Rangbah ula ai ka jingkular ba un sa pyrkhat kham bha na ka bynta ka District bad ban lum jingtip ruh ia ki shnong kiba kham sahdien khnang b aka Sorkar kan lah ban pynpoi ia ki kam pynroi.
