Leit mihkhmat 13 ngut ki nongkiew lum ka Jylla sha ka IMF Sport Climbing Competition ha Arunachal Pradesh

Shillong, K’Lyngkot 09: Ka Meghalaya Sport Climbing & Mountaineering Association (MeSCMA) ka la pynlong ïa ka Selection Trial ha ka 4-5 tarik Nohprah 2024 bad bud sa ka jingai jinghikai naduh ka 3-6 tarik Kyllalyngkot 2025 ban pynkhreh ïa ka kynhun ban mihkhmat ïa ka Jylla sha ka IMF North East Zone Sport Climbing Competition ka ban long ha Roing, Lower Dibang Valley, Arunachal Pradesh naduh ka 9-11 tarik Kyllalyngkot 2025.

Baroh kiba la shah jied ki long 13 ngut ki nongkiew lum ban mihkhmat ia ka Jylla bad la synran da ka Kong Hunlin Lyngdoh kum ka Team Manager.

Ïa kane ka jingleit shim bynta shaka IMF North East Zone Sport Climbing Competition la bei tyngka da ka tnat Directorate of Sports and Youth Affairs ka Sorkar Meghalaya.

Ha kajuh ka por, lai ngut ki dkhot jong ka Association kata ka Kong Kayleigh Petra Nongkynrih, u Bah Teimiki Sungoh bad ka Kong Ibakordor Shisha Mary Sawian kin long ki nongpyniaid ha kane ka jingiakop Zonal kum ki nongbishar, ki Route Detter bad ki Belayer.

Ha kajuh ka por, ka Association ka la pynpaw ka jingsngewnguh ïa u Commandant jong ka 58 GTC, Happy Valley uba la ailad ïa ki dkhot bad ki nongkiew lum ban pyndonkam ïa ka climbing wall jong ki na ka bynta ka jingjied bad ai jinghikai shwa ka jingïakob zonal.

Kine nongkiew lum ki ban leit shim bynta ha ka NE Zone Competition ki kynthup,

Sub Junior Girls,

1. Dadapbiang Lyngdoh (Upper Lumparing)
2. Pynkmenlang Lyngdoh (Upper Lumparing)
3. Aijingsuk Lyngdoh (Upper Lumparing)
4. Idaseisoh Tongper (Nongtalang)
5. Mebalaaishisha Tham (Sohra)

Sub Junior Boys,
1. Mebandonlang Umsong (Lyngkyrdem)
2. Hamebanker Nongsiej (Mawranglang)
3. Givensamson Lyngdoh (Mawlangwir)

Junior Boys,
1. Kyrmenskhem Lyngdoh (Upper Lumparing)
2. Benison Mawlong (Upper Lumparing)
3. Lurshai Nongkhlaw (Upper Lumparing)
4. Atiarjingshai Nongkhlaw (Upper Lumparing)
5. Bankyrshanlang Tham (Sohra)