Shillong, Iaiong 17 : Ka Khasi Students Union hynne ka sngi Hatmajai kala leit kitbok kitrwiang ia ki 4 ngut ki nongialehkai ka jylla kiban mihkhmat iaka ri India haka jingiakob World Pankration Championship kaban long ha ri Uzbekistan.
U Publicity Secretary ka KSU u samla Pynshai Rani ula pyntip ba kitei ki saw ngut ki nongialehkai kiba leit iashimbynta ha katei ka jingiakob ki kynthup iaka samla Lozenza Songthiang, samla Francis RR Songthiang, samla Kyrshanbor R Songthiang bad u samla Nongkitboklang Songthiang.
Kine ki samla ki dei kiba la ju wanrah takma bunsien bad mynta kila pynkhreh ban mih ha ka 30 tarik u Iaiong napoh ri India ban leit aireng ha katei ka jingiakob.
Ka KSU ka la ai mynsiem bad ka kitbok kitrwiang ia kine ki nongialehkai ba kin ioh biang ia u namjop ha katei ka jingiakob kaban long ha Uzbekistan.
