Shillong, Iaiong 18 : Ka kynhun jong ka State Disaster Response Force (SDRF) ha ka Sngi U Blei kila ioh ban tam sa ia ka metiap jong u lanot ba khatduh, uba iap na ka jingtwa u lum ha Ryngngain, East Khasi Hills.
Kane ka metiap ka dei jong u Krejunlang Khongjirem uba la shah tap ha ki maw bad ka khyndew hadien ka jingtwa u lum ba jia ha ka janmiet sngi thohdieng.
Ha kane ka jingjia, artylli ki kali kila shah rat ha ka khyndew ba twa na u lum bad ha kawei ka kali, khyndai ngut ki briew kila mynsaw ha kane ka jingjia bad la kit ia ki sha Pynursla PHC.
Hynrei ka kali ba shong kine ki arngut kala shah rat sha riat bad shah tap ha ka khyndew bad ki maw.
Ha ka janmiet 15 tarik, da ka jingiarap ki trai shnong, ka SDRF kala ioh ban sei ia kawei ka metiap jong u bah Seiborlang Jaktung.
Kine baroh arngut kiba iap ki dei na Wahlyngkhat, kaba hap hapoh ka Pynursla Police Station.
