Dibrugarh, Nailar 24: Ka liengsuiñ IndiGo kaba la mih na Dibrugarh ban leit sha Guwahati kaba la shong u Myntri Rangbah ka Assam u Himanta Biswa Sarma kala hap ban leit hiar noh sha Agartala namar jong ka jingsniew jong ka suiñbneng hynne ka sngi u Blei.
Ka ophis jong u Myntri Rangbah kala pynthikna ba u Myntri Rangbah ula shong ha katei ka liengsuiñ.
Ka IndiGo kala pynshai ba katei ka jingleit hiar noh sha kawei pat ka jaka, kadei namar ka jinglong jingman ka suiñbneng bad kam don satia kano kano ka jingthud ha ki kor ki bor jong ka liengsuiñ.
Kham hashwa la ai ia ka jingpynbna ia ki nongleit nongwan da kaba pynpaw ba namar ka jingjur slap khah khah bad ka jingdon jong ka eriong erngit, kane kala pynthud ia ka jingai jingshakri jong ki liengsuiñ ha Guwahati.
“Ka jingbthah ia ki nongleit nongwan– Namar ka jingjur slap khah khah bad ka jingdon ka eriong erngit kala ktah ia ka #Guwahati, kumta kala ktah ruh ia ka jingai jingshakri da ki liengsuiñ.
