Delhi Nailur 22: Ki Longkmie kiba long ki Dkhot jong ka ïing dorbar thawaiñ Parliament hynne ka sngi Thohdieng, kila leit iakynduh ia u Myntri Rangbahduh ka ri u Narendra Modi ban pynpaw ia ka jingkmen jong ki, halor ka jingmynjur ia ka Nari Shakti Vandan Adhiniyam ne ka Womens Reservation Bill hynnin ka miet.
U Myntri Rangbahduh ka ri u la pyllait ia kane ka jingwan iakynduh ki Dkhot Longkmie ka Parliament ha ka X.
“Nga la iakynduh ia ki longkmie MP jong ngi, kiba la dap da ka jingkmen halor ka jingmynjur ia ka Nari Shakti VandanAdhiniyam” ong u Myntri Rangbahduh ka ri.
Ula ong, ba ka long kaba sngewtynnad ban iohi ia ka jingiatreilang jong ki nongialam lynti jong ka jingkylla ban rakhe ia ka aiñ kaba kila kyrshan.
Da ka jingmynjur ia ka Nari Shakti VandanAdhiniyam, ka India ka don ha ka khep jong ka lawei kaba phyrnai bad kaba pdiang lang ia baroh ha kaba ka Nari Shakti ka long ka nongrim jong kane ka jingkylla.
