Shillong, Nailur 22 : Ka Jylla kala don haduh 360 tylli ki Effluent Treatment Plant ha kylleng ki District.
Tang ha East Khasi Hills, la shna haduh 257 tylli bad kiwei ki District ki long 35 tylli ha West Jaintia Hills, 30 tylli ha Ri-Bhoi District, 10 tylli ha West Garo Hills, 5 tylli ha West Khasi Hills, 4 tylli ha East Jaintia Hills bad kawei ha North Garo Hills.
Haba phai pat sha ka Sewage Treatment Plant (STP), 3 tylli la shna ha East Khasi Hills bad 6 tylli ha East Jaintia Hills.
Ia kane la pyntip da u Symbud Myntri Rangbah ba khmih ia ki kam pynroi sor Bah Sniawbhalang Dhar ha ka jubab ia ka jingkylli bala wanrah hapoh ka Iingdorbar Thaw Ain hynne ka sngi Thohdieng.
Kat kum ka jubab, baroh ki Hospital, ki Hotels, Restaurants, Guest House bad ki Resort kiba la ioh jingbit ban treikam na ka Meghalaya State Pollution Control Board kila dep pyndait ia ki ETP bad ka STP.
