Shillong, K’lyngkot 23 : U Myntri Rangbah ka Jylla Conrad K Sangma ha ka sngi Ba-ar ula ong ba ia ka rai halor ka jingiakren biang khappud bad ka Assam yn sa shim hapoh ka shi taiew.
“Ngi dang iakren ia kane bad sa shitaiew eiei, ngan sa pyntip sha phi lano ba ka jingialang iakren khappud kan long biang bad lehse ka jingleit jurip pud kaba ngi lah ban leh” ong u Conrad.
U Myntri Rangbah ula iakynduh ia u Myntri Rangbah ka Assam Himanta Biswa Sarma dang shen.
“Nga la iakynduh ia u Himanta Biswa Sarma ha Guwahati. Ngi la iashong bad iakren, ngi la iabam jingbam step lang bad ym da don eiei hi halor ka jingiakren hynrei ka jingiakren iakhana kala iaid slem bha halor kiba bun ki ishu kynthup ka kam khappud” ula ong haba bynrap ba namar kiba bun ki kam ba jia ha kine ki taiew bad ki bnai bala leit, ngim shym la ioh ban leit iakynduh
