Shillong, Risaw 04 : Ka Wapungskur Sports & Social Welfare Organisation (WSSWO) kan plie pyrda lashai ka 5 tarik Risaw, ia ka lympung ialehkai 30th Gold Cup Knockout Football Tournament, ka ban long ha madan Wapungskur.
Ia kane ka lympung ialehkai yn ot ribon da ka jingiakhuh hapdeng ka Ryntih Football Club, ka kynhun ialehkai ka Shillong Premier Leaque, pyrshah ia ka Rymbai Skhenshynriah Sports Club (Jaintia Rymbai).
Haduh 32 tylli ki kynhun ialehkai na Ri-lum Khasi Jaintia bad nabar ka Jylla, kila wan ban iashimbynta ha kane ka lympung ban iaknieh ia ka nam lahduh.
U MLA ka thain bad Myntri Sorkar Bah Kyrmen Shylla, un plie pyrda ia kane ka lympung ialehkai kum u kongsan ha ka jingiadonlang u DyCEM ka JHADC Bah Fineliness Bareh, MDC kum u symbud kongsan.
Ka lahduh jong kane ka lympung kan ioh rah ia ka khusnam song pisa ba T.5 lak bad ka ksiar ba shiteng tola katba kaba wan ba-ar kan ioh rah ia ka song pisa ba T.3 lak bad ka trophy.
.){kind=link}