Shillong, Nailar 02: Ka Meghalaya Youth League 2024, kan bteng biang lashai ka sngi Saitjain, ha kaba kin don 15 tylli ki jingialehkai Football ha kylleng ka jylla ha ka kyrdan U-14 bad U-16 jong ki khynnah shynrang.
Ka Nongstoin District Sports Association, Ri-Bhoi District Sports Association bad ka Pyndengumiong District Sports Association kila jop lut ïa baroh ki jingïakhun jong ki ha ka kyrdan U-14, katba ka Nongstoiñ bad ka Ri-Bhoi kidei kiba la jop ar sien ha ka U-16 bad ki thmu ban pynneh ia katei ka jingjop ka jongki hynreik iba iakhun pyrshah ia ki pat kin pyrshang ban khanglad ia ki ban ioh khur ia ka jingjop.
Ki jingiakhun haka sngi Saitjaiñ:-
Zone A – U-14 (1 baje) & U-16 (3 baje): Ka North Garo Hills District Sport Association pyrshah ia ka Tura District Football Association ha Resubelpara Mini Stadium.
Zone B – U-14 (1 baje) & U-16 (3 baje): Ka West Jaintia District Sports Association kan iakhun pyrshah ia ka Laskein Block Sports Association, ha Kiang Nangbah Stadium.
Zone B – U-14 (1 baje) & U-16 (3 baje): Ka Amlarem Block Sports Association pyrshah ia ka Saipung Block Sports Association ha Ladjaplem Football Ground.
Zone C – U-14 (1 baje) & U-16 (3 baje): Ka Sohra Sports Association kan iakhun pyrshah ia ka Riwar Mihngi Football Association ha Mawparo Football Ground.
Zone C – U-16 (1:30 baje): Ka Ri-Bhoi District Sports Association pyrshah ia ka Western Ri-Bhoi Sports Association, ha Umdihar Mini Stadium.
Zone D – U-14 (1 baje) & U-16 (3 baje): Ka Pyndengumiong District Sports Association kan iakhun pyrshah ia ka Nongstoin District Sports Association ha Madan Dommawlum.
Zone D – U-14 (1 baje) & U-16 (3 baje):Ka Eastern Border Sport Association kan iakhun pyrshah ia ka Mawkyrwat District Sports Association ha Madan Dewbyrtha.
Zone D – U-14 (1 baje) & U-16 (3 baje): Ka Mawshynrut Sports Association kan iakhun pyrshah ia ka Tyrsad Area Sports Association ha Madan Riangdo.
