Shillong, Jymmang 05 : Ka elekshon jied Nongkitkam ba 15 jong ka Khasi Students’ Unin (KSU) kan long lashai ka sngi satjain ha Shillong.
Palat 5032 ngut ki dkhot ki dei kiba ioh ban thep vote ha kaban jied ia ki Nongkitkam ba thymmai ka Central Executive Committee (CEC) jong u snem 2023-2026.
Kane ka elekshon kan long naduh ka por 8 baje mynstep haduh 3 baje janmiet ha Dinam Hall, Jaiaw. Haduh 33 ngut ki kyrtong kin iakhun ia ka elekshon na ka bynta ki 10 tylli ki kam.
Shuwa kane, ka Election Committee jong ka Union, kala pynbna ba ym shym la don satia kiba thep kyrteng ban iakhun ia ki lai tylli ki kam Nongialam kata ka kam President, Vice President bad General Secretary.
Kane ka mut ba u samla Lambokstar Marngar, samla Donald Thabah bad Biangbor Paliar kin dang iai bteng ban long ki nongialam ba hakhlieh ka KSU.
Ia kane la pynbna da u General Secretary ka KSU samla Donald Thabah hynne ka sngi thohdieng.
