Shillong, Lber 27: Ka Employment Monitoring Cell jongka Khasi Students’ Union (KSU) hynne ka sngi palei kala leit iakynduh bad jurip ia ka Roster Register jongka NEIGRIHMS bad shem ba ki don bun ki jingdkoh ha ka rukom thungkam thungjam ia ki Khasi.
Katkum ka kyrwoh na u Assistant General Secretary ka KSU u samla Reuben Najiar, ula ong, hadien ba ka KSU kala leit pan jingpynshai na u Deputy Registrar ka NEIGRIMHS ha 24 tarik u Lber, halor ka jingpynbna laitkam ba dang shu pynmih ia ki Nursing Officer bad kiwei kiwei ki post, namar katkum ka jingpynbna ki don 105 tylli ki post Nursing Officer hynrei ka bhah jong ki ST (K/J/G) ka long tang 2 tylli na ka 105 tylli ki post.
U samla Reuben ula pyntip ba u Deputy Registrar ula pynshai ba kila bud thik ia ka Roster bad kam shim la don kano kano ka jingleh shiliang ia ki Khasi bad kumta ka seng kala dawa ban peit ia ka Roster Register bad haba ka seng kala peit bniah ia ka Roster Register bad ia ka Recruitment Policy jongka NEIGRIHMS, la lap ba ka don shibun ki jingduna ha kaba iadei bad ka bhah thungkam jong ki Khasi, Jaintia ha NEIGRIHMS.
Ka KSU kala pynpaw ba ha kine ki sngi ban wan, kan leit dawa ban pynneh ia ka hok jongu trai muluk trai jylla namar katkum ka jingsakhi ka Seng ia ki kam ba heh bad ki ‘Permanent Post’ la bat da ki bym dei ki Khasi bad bun na ki Khasi kiba trei hangtei kidei kiba trei da ka ‘Contractual’.
 hynne ka sngi palei kala leit iakynduh bad jurip ia ka Roster Register jongka NEIGRIHMS bad shem ba ki don bun ki jingdkoh ha ka rukom thungkam thungjam ia ki Khasi.){kind=link}