Shillong, Rymphang 19: U Chief Executive Member (CEM) Bah Winston Tony Lyngdoh hynne ka sngi u la pyntip ba ki don 46 ki dukan jong ki bar Jylla kiba treikam khlem ki Trading License naka District Council.
Ia kane u CEM u la pyntip haba jubab iaka jingkylli bala wanrah da u MDC ka Laban constituency u Bah Ricky Shullai.
Haba iathuh iaki sienjam baka District Council kala leh pyrshah iaki dukan khlem Trading License, u CEM u la iathuh ba ki don 3 tylli ki dukan kiba la shah khang haki thain Laban, 4 ki Travel Agency kila shah khang ha Dhanketi bad ka Company Blinkit kaba treikam ha Fire Brigade kala shah khang.
“Hadien bala khang iaki 4 tylli ki Travel Agency ha Dhanketi, ka District Council kala aiti ia kine ki Agency shaki trai ri trai muluk ba kin pyniaid” la ong u CEM.
U CEM u la iathuh ba ka Executive Committee ka dang eksamin sa ia kiwei ki dukan bad ki kam khaii jong ki bar Jylla kiba treikam khlem ki Trading License hashuwa ban shim rai ban khang lada kim lah ban pynbit pynbiang iaki kot ki sla ba donkam.
“Ngi la pynmih iaka jingbthah (Notification) haka 10 tarik Iaiong 2025 sha baroh ki Dorbar Shnongs ban bthah iaki ba kidei ban pyrkhing bad ban peit thuh iaki bar Jylla kiba thmu ban seng dukan ne kino kino ki kam khaii hala ki shnong ki thaw khlem da biang iaki kot ki sla ba donkam” u la ong.
 Bah Winston Tony Lyngdoh hynne ka sngi u la pyntip ba ki don 46 ki dukan jong ki bar Jylla kiba treikam khlem ki Trading License naka District Council.){kind=link}