Shillong, Lber 25 : Palat 1.92 lak metric ton u dewiong ba tih beain na ki 4 tylli ki District ka Jylla kat kum ka aerial survey (ring dur na suin) bala leh da ki drone bad ka kompani jurip-Garuda.
Ia kane la pynpaw da u Justice (retd) BP Katakey uba khlieh ia ka Committee bala thung da ka Iingkashari Meghalaya High Court, hadien ba pyniaid ia ka jingialang ha ka sngi Ba-ar.
Haba kren sha ki lad pathai khubor, u Katakey ula ong “Ka Garuda kala aiti ia ka kaiphod jong ka aerial survey bad kat kum ka kaiphod, ha ki saw district – East Jaintia Hills, South West Khasi Hills, West Khasi Hills bad South Garo Hills, la shem ba palat 1.92 lak metric ton u dewiong u dei u bym pat shim jingkhein”.
“Nga la bthah ia ki ban ai ia ki katto katne ki jingpynshai ia kaba nga khmih lynti ban ioh mynta lane lashai ka sngi. Kumta, kat kum ka jingshem jong ki, lait na u dewiong bym pat shim jingkhein, ki don bun bah u dewiong hapoh ka 1 km radius. Kumta ha ka jingialang hynne ka sngi, nga la kyntu ia ki Deputy Commissioner bad ki Superintendent of Police jong kine ki District bad ki Tnad ba dei khmih ba kin peitngor bha halor ka jingioh ia u dewiong lait na une u 1.92 lak metric ton” ula ong.
U Katakey ula bynrap “Haba pynshong nongrim na ka kaiphod survey, ngan sa aiti ia ka kaiphod sha ka Iingkasahri Meghalaya High Court bad ngan sa pynpaw ia kaei ka jingsngew jong nga halor kane ka kaiphod ia kaba ngam lah ban iasam jingtip bad phi mynta tad hadien ba nga la aiti ia ka kaiphod bad ba ka Iingkashari kala pyllait paidbah”.
Haba kylli, u Katakey ula ong “Kino kino ki dewiong bala shem lait na ki depot jong ka CIL ki dei lut kiba beain. Hadien ba khang da ka NGT, ia kaba la pynskhem da ka Iingkashari Supreme Court, kaba ong ba ym dei shuh ban don ka jingtih dewiong thliew khnai satang lada la shah ia ka jingtih dewiong hapoh ka kyndon ka MMDR Act.
Nalor kane, ula pyntip “La iathuh ha nga mynta ka sngi ba ka Sorkar kala ai ia ka prospective licence bad sa saw ngut kila dep ioh kaba long phra ngut baroh lang bad na kine ki phra ngut, lai ngut kila ioh ia ka environmental clearance katba san ngut ki dang ban ioh ia ka environmental clearance. Kine ki lai ngut kiba la ioh ia ka environmental clearance kila sdang ia ka jingtih dewiong”.
 bala leh da ki drone bad ka kompani jurip-Garuda.){kind=link}