Shillong, Kyllalyngkot 06: Ka Khasi Hills Autonomous District Council (KHADC) kala sngap jar halor ka jingpyndonkam bakla ha ka jingpyntreikam ia ka song pisa (Grant) kaba la ioh na ka sorkar pdeng.
Ia kane la pynpaw da ka Comptroller and Auditor General of India (CAG) ha ka kaiphod jong u snem ba kut ha u Lber 31, 2019.
Kala pyntip ba ka sorkar India ha ka hukum, kala bthah ba dei ban aiti ia ki Utilisation Certificate (UC) hapoh 12 bnai naduh ka sngi ba la pyllait ia ka bhah tyngka kat kum ka GFR 2017, ka sorkar Meghalaya kala pyllait ia ka song T. 32.25 Klur sha ka KHADC ha ka 28 tarik u Nohprah 2017.
Ka CAG kala shem ba na ki 35 tylli ki projek kiba la mang, ka KHADC kam pat lah ban pyndep ia ka jingtei ia ka ‘Traditional Cultural Centre ha Umiam, Jingkeing Kalong’. Ka jingbhah tyngka ia kane ka projek ka kot sha ka T.7.50 Klur ha kaba ka KHADC kala pynlut haduh mynta haduh T.5.87 Klur da kaba iehnoh sharud ia ka pisa kaba sah kaba ym pat pynlut kaba long T.1.63 Klur.
Ha ka jingkhmih bniah ia ki kot ki sla, la pynpaw ba ka KHADC kala aiti ia ka UC kaba kot T.32.09 Klur ha u risaw 2018 haduh u Rymphang 2021, da kaba iehnoh ia ka UC kaba dang sahteng kaba long T. 0.16 Klur.
Kitei haneng ki pyni ba ka KHADC kala aiti ia ka UC kaba kot T. 1.47 Klur (T. 1.63 – T.0.16) hashwa ban pyndonkam ia katei ka grant. Nalor kane, la shem ba na ka jingaiti ia baroh ki UC, ka UC kaba kot T.21.69 Klur la aiti hadien ka jingpynslem kaba naduh 17 haduh 788 sngi kaba long palat ia ka por kaba la buh, ka kaiphod kala pynpaw ba ka daw jong ka jingslem ha kaban aiti ia ka UC, kata ruh hashwa ban pyndonkam ia ka Grant kaba kot T.1.47 Klur kadei ka bym shym la don ha ka rekod.
Halor ka jingkdew jong ka Audit, u Secretary jong ka Executive Committee, KHADC ula pynpaw (Nailar 2022) ba kam shym la don kano kano ka jingpynlut pisa ha u snem 2017-18 na ka Grant kaba T. 32.25 Klur. Hynrei ka Council kala shu sngap jar halor ka jingpyndonkam bakla ia ka rukom pyntreikam ia ka Grant kaba kala ioh pdiang.
Ka Council ka donkam ban thaw ia ki kyndon ain kiba paka ha kaban ai kontrak ia ki kam ban lait na kano kano ka jingpyndonkam bakla ha ka jingai ia ka kam kontrak kumba la kdew da ka Audit, la pynpaw
 kala sngap jar halor ka jingpyndonkam bakla ha ka jingpyntreikam ia ka song pisa (Grant) kaba la ioh na ka sorkar pdeng.){kind=link}