Shillong, Nailar 24 : Ka Sorkar Jylla kala pyntip ba kan buh haduh 6 tylli ki Fanp Park (jaka peitkai phutbol ki riewieid phutbol bym ioh ticket) ha kylleng ki jaka ka Nongbah Shillong kynthup ruh ki District Headquarter, ban ioh peitkai ia ka jingiakhun semi-final ka Durand Cup 2024 hapdeng ka Shillong Lajong FC pyrshah ia ka Northeast United FC ban long la sngi Nyngkong.
Kat kum ka jingpynbna u Director ka Sports & Youth Affairs, kine ki Fank Park ha Shillong ki kynthup ia kawei ha Mawlai Madan Heh (Stadium), ha RV Lyngdoh Parking Lot (pyrshah ka Golf Retreat), ha Madan Malki, ha Umpling Maw-arling, ha Laitumkhrah Police Point Parking Lot bad ha NEHU Campus.
Une u Heh Ophisar u pyntip ba ki jingdie ticket Online bad Offline sha kane ka jingiakhun semi phainal jong ka Durand Cup kala lah ban die lut ia baroh ki ticket ban pyndap pura ia ka Jn Stadium.
Ula pyntip ba ia kane ka jingialehkai yn sa pyni ha ki giant screen ha baroh ki Fan Park. Kan don ruh ka jingiaput iatem na ka Meghalaya Grassroot Music Program (MGMP) bad ki jaka die bam ha kine ki Fan Park.
Lah ban kdew hangne ba baroh ki jingiakhun jong ka Durand Cup la pyni live ha SonyLiv bad TV Channels-Sony Sports 2 & 3.
 ha kylleng ki jaka ka Nongbah Shillong kynthup ruh ki District Headquarter, ban ioh peitkai ia ka jingiakhun semi-final ka Durand Cup 2024 hapdeng ka Shillong Lajong FC pyrshah ia ka Northeast United FC ban long la sngi Nyngkong.){kind=link}