Shillong, Nailar 24 : U Myntri Rangbah ka Jylla Conrad K Sangma, ula ioh mih na hospital hadien ba ula kham koit bad kham khlain.
Ia u Myntri Rangbah la kit sha Civil Hospital, Shillong ha ka sngi Thohdieng hadien ba ka jingshitom namar ka jingkiew ka jingshitmet haduh arsngi bad don ki dak pang kiba don jingiadei bad ka jingpang niang sohot bad typhoid.
Watla la pyllait ia u ban leit shala Iing ha ka sngi Saitjain hadien ba ioh ia ki jingsumar, u Myntri Rangbah un dang don hapdeng ka jingkhmih bniah bad un dang don hapdeng ka jingsumar hala ka jong ka Iingsah.
Ka kynhun ki doktor kala leit ban jngoh ia u ha iingsah hynne ka sngi Saitjain hadien bala pyllait ia u ban leit Iing.
