Nongpoh, Nailar 06 : Ki paidbah nongleit nongwan na surok bah NH6 kila her mynsiem hynne ka sngi saitjain na ka jingtwa kynsan jong u lum ha Shangbangla hadien ka jingther u lapbah, kaba lam sha ka jingtyllun ki mawlong sha surok.
Kane ka jingjia kala jia ha ka por 4 baje eiei mynstep bad wanrah ia ka jjngdheng kali kaba la neh katto katne por namar ka jingkhang lynti ki mawlong.
Ki paidbah kiba sah marjan kila ïathuh ba ki maw kila hap bad twa kynsan sha surok hadien bala ther u lapbah bad donbok ba ha katei ka jingjia ym shym don kano kano ka jingjia ba sngewsih bad ki paidbah ba leit ba wan na katei ka surok kila lait thaw naka jingmynsaw.
Ki pulit ka Nongpoh kiba la poi ruh ha katei ka jaka kila hap ban pyniaid noh iaki kali tang na shilliang jong ka surok namar ka jingkah jong ki maw, bad naka liang ki bor ka NHAI kila sdang ban weng iaka khyndew bad ki maw ba hap ha surok.
