Shillong, Naitung 27 : Ki khynnah shynrang ka skul jong ka Sunrays Secondary School lem bad ki khynnah skul kynthei jong ka Synod Higher Secondary School, ki la ioh rah kum ki lahduh ha ka lympung ialehkai 32nd State Level Inter School Karate Tournament 2026, kaba la long ha kine ki lai sngi naduh ka 23 haduh ka 25 tarik u Naitung, ha Multi Purpose Indoor Sports Hall ka SAI, STC, NEHU.
Ki skul ba wan ba-ar ne Runners up pat ki long ka St. Anthony’s Higher Secondary School na ka liang ki khynnah shynrang bad na ka liang ki khynnah kynthei pat kaba skul ba wan ba-ar dei ka Sacred Heart Girls Higher Secondary School.
Mynta ka snem, ka jingwan iahsim bynta ki skul ka long kaba bun bha, ha kaba ka la kynjoh shaduh 126 tylli ki skul, bad ki khynnah nongwan iashim bynta baroh ki la poi shaduh 802 ngut, kata 391 ki khynnmah kynthei bad 411 ki khynnah shynrang.
Ha kine ki lai nsgi jong ki jingiakhun la mih paw ruh ki rang bad ki thei ialehkai kiba da kynsai bad bat bit tam kaba la pynlong ia ki ba kin ioh ba kin rah iaka nam Best Karateka.
Ki khynnah ba la ioh ban rah ia kine ki nam ki long Best Karateka (Boys Junior) ka leit sha u Daaron R Warjri, Christian Academy Higher Secondary School, Best Karateka (Boys Senior) Pusaimi I Kyndiah, Loompyrdi Iongpiah UP School Jowai, Best Karateka (Girls Junior) Emma T Kharwansuk, Stonyland Secondary School, Best Karateka (Girls Senior) Asenka Beryl Marwein, St. Joseph’s Higher Secondary School.
Kongsan ba la leit ban ia don lang ha ka por ba pynkut noh ia kane ka lympung dei u bah Ivan Benson Diengdoh, Addl. Superintendent of Police, East Khasi Hills District, Meghalaya. Katba u symbud kongsan pat dei u bah Alan Niangti, President, West jaintia District karate Association.
