Shillong, Oct 11: Ia ka met ba sah jong u Nongkiewlum samla Tiklu Jyrwa la tep hynne ka sngi ba-ar ha u lum jingtep ha Balang Presbyterian ha Lumparing.
U samla Tiklu ba 35 snem ka rta, u dei uwei na ki 26 ngut ki nongkiew lum kiba la iap na ka jingtwa u lum thah ha Draupadi Ka Danda ha Uttarkashi myn ha ka 4 tarik Risaw. U samla Tiklu u dei u dkhot ka Meghalaya Sports Climbing and Mountaineering Association (MeSCMA).
U samla Tiklu Jyrwa ula iashimbynta ha ka Advance Mountaineering Course bala pynlong da ka Nehru Institute of Mountaineering (NIM) ha Uttarkashai. La bei tyngka ia u da ka Directorate of Sports and Youth Affairs lyngba ka MeSCMA ban leit sha kane ka jinghikai pyntbit.
Une u samla ha ryngkat bad 40 ngut kiwei pat ki nongkiew lum ki dang wan phai na u Lum Draupadi Ka Danda-II ha Uttarakhand haka por ba ki shah rong ha une u lumthah ba twa.
