-->

Lah poi sha Egypt ki nong Meghalaya ba sahkut ha Israel

Date:

Share post:

Shillong, Risaw 08 : Ki 27 ngut ki nong Meghalaya kiba sahkut ha Ri Israel namar ka thma bad ka Palestine, kila poi suk mynta sha Ri Egypt.

Ia kane ka jingtip la pyntip da u Myntri Rangbah ka Jylla Conrad K Sangma ha ki rynsan social media jong u.

U Myntri Rangbah ka Jylla ula thoh “Kat kum ka jingtip ba khatduh bad lyngba ka jingtrei ba shong shongthait ka Ministry of Exeternal Affairs (MEA) bad ka Indian Mission, ki 27 ngut ki nongshongshnong na Meghalaya, kiba sahkut ha ka jaka iakynad ka Israel bad Palestine, kila jam suk sha shiliang u pud ka Ri Egypt” ong ka khubor.

Kine ki 27 ngut ki dei kiba leit pilgrim sha kane ka Ri ba khuid (Holy land) bad ki kynthup ruh ia u MP ka Rajya Sabha ka Jylla Dr WR Kharlukhi bad ki bahaiing jong u.

Hashuwa kane, u Myntri Rangbah ula pyntip ha ka sngi Saitain ba 27 ngut ki nongshongshnong ka Jylla, kiba la leit pilgrim sha Jerusalem, kila sahkut ha Bethlehem namar ka jingkhie ka thma hapdeng ka Israel bad ka Palestine.

Ula pyntip ba ula iakren bad ka Ministry of External Affairs ban pynthikna ia ka jingwan phai suk jong kine ki nongshongshnong ka Jylla.

Kat kum ka khubor, ia kine ki nong Meghalaya la leit shaw bad leit on da ka India Mission sha Egypt hynn ka sngi U Blei.

Palat 500 ngut ki briew kila iap ha baroh arliang- ha Israel bad Palestine na ka jingialeh thma kaba la sdang da ka jinghiar thma jong ki kynhun lehnoh Hamas ka Palestine ha ka step sngi Saitjain.

U Myntri Rangbah Duh ka Israel Netanyahu ula ong ba ka Ri kan jam ha ka lynti jong ka thma kaba shimpor bad kaba eh bha pyrshah ia ki Hamas.

Ula bynrap “Ngin wanrah biang ia ka jingshngain jong ki nongshongshnong ka Israel bad ngin jop ia kane ka thma.

Share post:

-->
spot_img

Popular

More like this
Related

Phah rai ka Iingkashari ia ka Sorkar halor ka Suraksha Salvia LLP hapoh shitaiew

Shillong, Risaw 30 : Ka Iingkashari Meghalaya High Court...

Pynbna u CM ia ki kam pynroi nongkyndong ba kongsan ha ka CM Connect ha Thangsning

Shillong, Risaw 30 : U Myntri Rangbah ka Jylla...

JHADC willing to accept govt’s salary offer with conditions: CEM

SHILLONG, OCT 30: Chief of the Jaintia Hills Autonomous...