Shillong, Iaiong 02 : Ka Meghalaya ka lah ban mad ia ka lyiur kaba kham syaid na kaei kaba ju long bad kaba ioh duna u slap, ong ka kaiphod iathuh lypa ia ka jinglong ka mariang bala pynmih da ka Indian Meteorological Department (IMD).
Ka jingbatai lypa na ka bynta ka aiom shit jong u bnai Risaw–Ïaiong (AMJ) 2026 ka pyni ba ka jingshit kaba heh tam kan long na kaei kaba ju long sha kaba palat ïa kaba kaba ju long ha kiba bun ki bynta jong ka jylla, katba ka jingshit kaba rit eh ruh la khmih lynti ba kan dang long kaba palat na kaei kaba ju long baroh shikatta, kaba kdew sha ki sngi kiba kham shit bad kumjuh ruh ki miet.
Na ka bynta u bnai Risaw Iaiong, ka IMD ka pyni ia ka jingshit kaba palat na kaei kaba ju long lada phai sha ka jingshit kaba hehtam ne ba duna tam ha kylleng ki jaka ka Meghalaya, kaba pyni ia ka jingsdangkloi ban ioh ia ka aiom shit.
Hynrei, kum ka jingai pynhiar mynsiem ia ki paidbah, ka IMD kala pynshai ba lah ban nym don satia ka heat wave ha Meghalaya ha baroh ki sngi jong u bnai Iaiong-Jylliew.
Ka kaiphod ka pynpaw ruh ia ka jingsngewkhia halor ka jingktah ia ka jingioh um ka thain bad ka kam rep kam riang. La khmih lynti ba u slap un hap duna ia kaba ju long ha kiba bun ki bynta jong ka thain shatei lammihngi jong ka Ri India, kynthup ia ka Meghalaya, kaba lah ban wanrah ia ka jingma jong ka jingtyrkhong um hashuwa ki aiom slap.
.){kind=link}