spot_img

La rejistar haduh 4004 tylli ki case pyniathoh khynnah ha Assam, yn sdang ka jingpynshitom : CM Sarma

Date:

Share post:

Guwahati, Rymphang 02 : Ki bor pulit ki la rejistar haduh 4004 tylli ki case pyniathoh shongkurim khynnah hapoh Assam, kata katkum ka kaiphot ba la pynpaw da u Myntri Rangbah (CM) ka Assam u Himanta Biswa Sarma.

Haba pynpaw lyngba ka Twitter, u CM Sarma u la pyni halor ka jingdon jong ki case kiba iadei ba ka kam pyniathoh shongkurim beain ia ki khynnah kiba dang hapoh rta ha baroh kawei ka jylla, kata da kaba pynthikna ba ka sorkar kan khanglad bad pynshitom ia kiba donkti.

“Ka sorkar Assam kan pynkut noh ia kiba kum kine ki jingleh ba beain ha ka jylla bad ia ki lynti pynshitom yn sdang pyntreikam naduh ka 3 tarik mynta u bnai.Nga kyrpad ia baroh ba kin ai ka jingiatreilang,” thoh u CM Sarma.

Ka jingioh lum jingkhein ba la pyllait da u CM Sarma la iohi ba ka Dhubri district ka dei kaba don bun tam ki case kiba iadei bad ka kam pyniathoh shongkurim khynnah, kata haduh 370 tylli, bud sa ka Hojai da 255 bad ka Udalguri 235 tylli.Katba ka Dima Hasao ka dei kaba duna tam ha kaba iadei bad ka jingdon jong kine ki case pyniathoh shongkurim khynnah.

Katkum ki kyndon ain 1929 Act, ka jingpyniathoh shongkurim ia ki khynnah kynthei kiba dang hapoh ka 14 snem bad ki shynrang hapoh jong ka 18 snem ka dei kaba la khang pyrshah.Ia kane ka Act la pynkylla ha ka snem 1978 ha kaba la kyntiew ia ka rta sha ka 18 snem na ka bynta ki kynthei ba ki lah ban iathoh shongkurim bad 21 snem na ka bynta ki shynrang.Ka Prohibition of Child Marriage Act 2006 ka la mih bujli biang bad pynneh ia katei kajuh ka rta iathoh shongkurim jong ka snem 1978.

Share post:

spot_img
spot_img

Popular

More like this
Related

Mizoram | Yn plie u PM Modi ia ka lynti rel ba nyngkong eh sha Aizawl

Aizawl, Jylliew 30: Ka nongbah Aizawl jong ka jylla...

Hiar kyndang ki bor District ia ki dukan Madan bym don CoV ha thain Khyndailad

Shillong, Jylliew 30: Ki bor pyniaid District ha ka...

A·Chik Students’ Union launches admission help desk to assist Garo students seeking admission in NEHU

Shillong, June 30: The A·Chik NEHU Students’ Union (ANSU) has...