Shillong, Rymphang 27: Hadien bala kut noh ka jingthep vote, mynta ka miet la kit noh iaki Electronic Voting Machines (EVMs) bad iaki Voter-Verified Paper Audit Trail (VVPAT) na East Khasi Hills sha ki Strong Room kum shi bynta ban pynkhreh iaka jingniew Votes.
Ka jingiathep Vote ilekshon 2023 la pynkut noh mynta ka sngi bad la sakhi ba ki paidbah naki thain nongkyndong kila tuid bha sha ki jaka thep Vote.
Ki don haduh 13 tylli ki Strong Rooms bad 419 tylli kynhun ki Polling Parties ha baroh kawei ka jylla bad kila don ruh haduh 600 tylli tam ki Polling Booth bala ithuh kum ki jaka thep Vote ba lah ban don jingkulmar na ki 59 tylli ki constituencies.
La iathuh ba ki don katto katne ki Mashin EVMs kiba thut kaba la pynlong ka jingslem ban pyndep iaka jingthep Vote.
Ki Ballot Unit (BU) ki don 82%, ki Control Unit 79% bad VVPAT ki don 2.69% kiba don jingthut bad naka liang u Chief Electoral Officer (CEO) u bah F.R Kharkongor ula iathuh baka tnat ilekshon kala shim khia ban kylliang noh ia kine ki Mashin ban thep Vote.
Katkum ka khubor ba iohlum haka 9:52 mynmiet, ki dang don ki jaka ba dang iaid ka jingthep Vote kum ha Ri Bhoi District bad Jaintia Hills District.
