TURA, Rymphang 27: Ha ka jingjia ba sngewsih, arngut ki shipara kynthei kiba dang samla kila iap jyllop hynnin ka sngi shabar ka sor Tura.
Kine ki arngut ki samla kynthei ki dei kiba dang 17 snem bad 19 snem, kiba dei na ka shnong Rongkhon Songgital jong ka Dakopgre, Tura.
Kine baroh arngut ki ia leitkai sha wah Sela Wari ban pynsum ia u ksew. La ong ba katba u ksew u dang don ha wah, ula shah rong ha ka um bad da ka jing pyrshang ban iarap iala u ksew khlem da pyrkhat ba u ksew u dei uba nang ban jngi, kawei na kine ki samla kala kynthih ha wah bad ka para kaba mut iarap kala shah patan lang bad ia iap jyllop lang.
Kine ki samla kiba iap ki kyrteng ka
Akanchi A Sangma (kaba heh) bad ka
Sania A Sangma (kaba rit).
